ԵՐԵՎԱՆ, 6 մայիսի — Sputnik. ՀՀ գլխավոր նեոնատոլոգ Պավել Մազմանյանը Sputnik Արմենիայի հետ զրույցում պատմեց, որ 800 գրամ քաշով ծնված աղջնակը մահացել է, քանի որ ուներ ծանր շնչառական խանգարումներ, կյանքի առաջին իսկ րոպեներից շնչում էր շնչառական ապարատի միջոցով:
«Փոքրիկի վիճակը գնալով վատացել է: Նա ուներ գլխուղեղի ներփորոքային արնազեղում»,-ասաց Մազմանյանը:
ՀՀ գլխավոր նեոնատոլոգի խոսքով` մյուս երեխաների վիճակը շարունակում է մնալ ծայրահեղ ծանր:
Բժիշկներն ամեն ինչ անում են նրանց կյանքի համար:
Նշենք, որ մայիսի 3-ին Արշալույս գյուղի 23-ամյա Լուսինե Պողոսյանը լույս աշխարհ էր բերել միանգամից 5 զավակ` չորս աղջիկ և մեկ տղա։ Մասնագետների խոսքով` ասա անկախ Հայաստանի պատմության մեջ առաջին դեպքն է:
Փոքրիկները (չորս աղջիկ և մեկ տղա) ծնվել էին 600, 820, 840, 840 և 880 գրամ քաշով։
Մայր Աթոռ Սուրբ Էջմիածինը Գարեգին Բ Ամենայն Հայոց Կաթողիկոսի օրհնությամբ Կարապետյան ընտանիքին 4-սենյականոց բնակարան կընծայի։ Իսկ առաջին տիկին Ռիտա Սարգսյանը ստանձնել է փոքրիկների սննդի ապահովման հարցը:
