ԵՐԵՎԱՆ, 6 մայիսի — Sputnik. Մայիսի 6-ին Գյումրի քաղաքում, Ռեպին փողոցի վրա միմյանց են բախվել ԲՄՎ և «Վազ 099» մակնիշի ավտոմեքենաները:
Մարմնական տարբեր աստիճանի վնասվածքներ ստացած բոլոր տուժածները եղել են «Վազ 099» մակնիշի մեքենայում: Ինչպես տեղեկացնում են Գյումրի բժշկական կենտրոնից, տուժաժածները ժամը 19:00-ի սահմանում Գյումրի բժշկական կենտրոն են տեղափոխվել:
Տուժածներն են՝ 1995 թվականին ծնված Գ.Մ.-ն, որի մոտ ախտորոշվել է կրծքավանդակի աջ կեսի բութ վնասվածք: Նա դեռ հետազոտման փուլում է, կյանքին վտանգ չի սպառնում, 1994 թվականին ծնված Ա.Ս.-ն, որի մոտ ախտորոշվել է աջ կողոսկրի կոտրվածք, գլխի շրջանի քերծված վերքեր, 1998 թվականին ծնված Ս.Գ.-ն, որի մոտ ախտորոշվել է ձախ սրունքի ստորին երրորդականի սալջարդ, գանգի գագաթային շրջանի սալջարդ, մարմնի տարբեր մասերի քերծվածքներ, 2000 թվականին ծնված Է. Ս.-ն, որի մոտ ախտորոշվել է աջ սրունքի միջին երրորդականի սալջարդ վերքեր, հեմատոմա, 2000 թվականին ծնված Տ. Ս.-ն, որի մոտ ախտորոշվել է ստորին շրթունքի պատռվածք, աջ ոտնաթաթի թիկնային մակերեսի վնասվածքներ, մարմնի տարբեր հատվածների քերծվածքներ:
Բոլոր տուժածները Գյումրի քաղաքի բնակիչներ են: Նրանց ցուցաբերվել է առաջին բժշկական օգնություն, որից հետո անչափահասներ Է. Ս.-ն եւ Տ. Ս.-ն տեղափոխվել են մանկական հիվանդանոց:
Տուժածների առողջական վիճակը գնահատվում է միջին ծանրության:
