ԵՐԵՎԱՆ, 5 մայիսի — Sputnik. ՀՀ Տրանսպորտի նախարարությունում նախատեսում են առաջիկայում հանդիպել Հայաստան-Իրան երկաթուղու շինարարության պարտավորությունը ստանձնած «Ռոսիա ՖԶԷ» ընկերության ղեկավարության հետ: Այս մասին այսօր լրագրողների հետ հանդիպմանն ասաց է ՀՀ Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը՝ չհստակեցնելով հանդիպման հնարավոր ժամկետները:
Վահան Մարտիրոսյանը հայտնեց միայն, որ շինարարական ծրագրի նախնական արժեքը 2013 թվականից հետո մնացել է անփոփոխ: Այն նախկինի պես հաշվարկվում է շուրջ 3,2 մլրդ դոլար:
Հիշեցնենք, Դուբայում գրանցված «Ռոսիա ՖԶԷ» ընկերության հետ ՀՀ կառավարությունը 2013 թվականին փոխըմբռնման հուշագիր էր ստորագրել, համաձայն որի, ընկերությունը պետք է հաշվարկեր և նախագծեր շինարարական ծրագիրը:
