ԵՐԵՎԱՆ, 5 մայիսի – Sputnik. Հայաստանի հավաքականի ու «Մանչեսթեր Յունայթեդի» կիսապաշտպան Հենրիխ Մխիթարյանը Ֆեյսբուք սոցիալական ցանցի իր էջում նշել է, որ «Մանչեսթեր Յունայթեդ»- «Սելտա» խաղում հաղթելը կարևոր էր թիմի համար։
«Կարևոր արտագնա հաղթանակ էր: Անհամբերությամբ եմ սպասում պատասխան հանդիպմանը, որպեսզի խաղանք մեր երկրպագուների առաջ»,- գրել է 28-ամյա ֆուտբոլիստը:
Հիշեցնենք, որ նախօրեին կայացած «Մանչեսթեր Յունայթեդ»- «Սելտա» հանդիպումն ավարտվեց Ժոզե Մոուրինյուի գլխավորած թիմի նվազագույն հաղթանակով: Խաղի միակ գոլը 67-րդ րոպեին տուգանայինից խփեց «կարմիր սատանաների» երիտասարդ հարձակվող Մարկուս Ռեշֆորդը: Մրցող թիմերի միջև պատասխան հանդիպումը կկայանա մայիսի 11-ին:
