ԵՐԵՎԱՆ, 14 մայիսի — Sputnik. ԱՄՆ Կալիֆոռնիա նահանգի Գլենդել քաղաքի քաղաքապետ է ընտրվել Վարդան Կարապետյանը: Քաղաքային խորհրդի անդամները միաձայն քվեարկել են նրա օգտին: Այս մասին հայտնում է Glendale News Press-ը:
Կարապետյանը նախկինում ղեկավար պաշտոններ է զբաղեցրել քաղաքային հանձնաժողովներում:
Խոսելով առաջիկա գործունեության մասին՝ Կարապետյանը նշել է, որ գործընկերների հետ կաշխատի քաղաքն առավել բարեկեցիկ և ապահով դարձնելու ուղղությամբ, հետամուտ կլինի ընթացիկ նախագծերի իրականացմանը՝ հայտարարված ժամկետներում:
Կարապետյանը հայտնել է նաև, որ միջոցներ է որոնում 2 հրշեջ մեքենա Հայաստան ուղարկելու համար:
Գլենդելի քաղաքապետն ընտրվում է քաղխորհրդի անդամների կողմից՝ մեկ տարի պաշտոնավարման ժամկետով:
