ԵՐԵՎԱՆ, 3 մայիսի — Sputnik. «Express» հրատարակությունը հետաքրքիր վիճակագրություն է առանձնացրել Հենրիխ Մխիթարյանի մասին:
Եվրոպայի լիգայի կիսաեզրափակչի առաջին խաղում «Մանչեսթեր Յունայթեդը» կհյուրընկալվի «Սելտային»:
«Եթե Հայաստանի հավաքականի ավագը գոլ խփի Վիգոյում, ապա կդառնա «Մանչեսթեր Յունայթեդի» պատմության միակ ֆուտբոլիստը, որը եվրոպական մրցասպարեզում գոլի հեղինակ է դառնում 5 արտագնա խաղերում»,- նշված է հրապարակման մեջ:
Այսպիսով, Մխիթարյանը գոլ խփելու դեպքում կգերազանցի Ուեյն Ռունիի, Քրիշտիանու Ռոնալդուի և Դուայթ Յորքի ռեկորդները:
