ԵՐԵՎԱՆ, 3 մայիսի — Sputnik. Երևանում այսօր առավոտյան ժամը 04։00-ին լույս աշխարհ է եկել հնգյակ` 4 աղջիկ, 1 տղա։ Այս մասին Sputnik Արմենիային հայտնեցին Էրեբունի բ/կ-ից։
Մեծամորցի Կարապետյանների ընտանիքի առաջնեկները կկրեն Աննա, Թեհմինե, Ռոզի, Լիլիթ և Արա անունները։
Կեսարյան հատմամբ լույս աշխարհ եկած երեխաները բժիշկների խիստ հսկողության տակ են, որովհետև նրանք կշռում են մոտ 950-ական գրամ, ամենափոքրը՝ 650 գրամ:
Երեխաների հայրը՝ Վարդան Կարապետյանը, Tert.am-ին հետ զրույցում պատմել է, որ սկզբում բժիշկներն իրենց հայտնել էին, թե ծնվելու է եռյակ, հետո ասել էին, որ հնգյակ է:
Հարցին, թե ինչ զգացողություն ունի, նա անկեղծորեն ասաց.«Չեմ կարող նկարագրել բառերով, ես շոկի մեջ եմ։ Իմ առաջնեկն է»,- ասաց նա և անմիջապես ուղղեց.«Իմ առաջնեկներն են»:
