ԵՐԵՎԱՆ, 2 մայիսի — Sputnik. Ապրիլին Վրաստան այցելած զբոսաշրջիկների ցուցանիշում Հայաստանի քաղաքացիների թիվն ամենամեծն է (+13,2%)։ Այս մասին հայտնում է Sputnik Գրուզիան` հղում անելով Վրաստանի ներքին գործերի նախարարությանը։
Ավելացել է նաև զբոսաշրջիկների հոսքը Ադրբեջանից (+7,1%), Թուրքիայից (+19,2%), Ռուսաստանից (+16,5), Ուկրաինայից (+27,2%) և Իրանից (+183,9%)։
Վրաստան այցելած մարդկանց ընդհանուր ցուցանիշում զբոսաշրջիկների թիվը հասել է 736,3 հազարի, ինչը 26,9%-ով շատ է 2016 թվականի ցուցանիշից։
Միայն ապրիլին Վրաստան է այցելել 510,6 հազար օտարերկրացի (+10,2%), որից ավելի քան 222,6 հազարը (+29,7) եղել են զբոսաշրջիկները, իսկ ավելի քան 107,8 հազարը (0,3%)` տարանցիկ ճանապարհորդները։
Դրական աճ է պահպանվում Եվրամիության զբոսաշրջիկների հարցում։ Ապրիլին Վրաստան են այցելել զբոսաշրջիկներ Գերմանիայից (+74), Մեծ Բրիտանիայից (+51%), Լիտվայից (+43%) և Լեհաստանից (+ 26)։
Զբոսաշրջությունից ստացված եկամուտը 2016 թվականին կազմել է 2,2 միլիարդ դոլար (11,9% աճ)։ Զբոսաշրջության բաժինը Վրաստանի ՀՆԱ-ում կազմում է 7.1%։
