ԵՐԵՎԱՆ, 2 մայիսի — Sputnik. Ռուսաստանաբնակ հայ թենիսիստ Կարեն Խաչանովը հաղթեց Ստամբուլում անցկացվող պրոֆեսիոնալ թենիսիստների ասոցիացիայի մրցաշարի առաջին շրջանի խաղում:
Խաչանովը 6:3, 6:7 (2), 6:1 հաշվով հաղթանակ տարավ վրացի թենիսիստ Նիկոլոզո Բասիլաշվիլու նկատմամբ:
Կարենը 9 անգամ խաղից դուրս մնալու վտանգի տակ էր, նա 3 անգամ կրկնակի սխալ թույլ տվեց և կատարեց 6 բրեյք-փոինթ: 20-ամյա ռուսաստանցու հաջորդ մրցակիցն է սերբ Վիկտոր Տրոիցկին: Ավելի վաղ հայտնել էին, որ Կարեն Խաչանովը պրոֆեսիոնալ թենիսիստների ասոցիացիայի նորացված վարկանիշում բարձրացել է 14 հորիզոնականով:
