ԵՐԵՎԱՆ, 2 մայիսի — Sputnik. Հայաստանի ներկայացուցիչ գեներալ-գնդապետ Յուրի Խաչատուրովը պաշտոնապես ստանձնել է հավաքական անվտանգության պայմանագրի կազմակերպության գլխավոր քարտուղարի պաշտոնը, հայտնում է կազմակերպության մամուլի ծառայությունը։
Մայիսի 2-ին Խաչատուրովը հանդիպում անցկացրեց ՀԱՊԿ քարտուղարության անձնակազմի հետ, որի ընթացքում նշեց այդ պաշտոնում իր գործունեության գերակա ուղղությունները։
«Մեր նպատակը միշտ հետևելն է ՀԱՊԿ գլխավոր սկզբունքին. «Մեկը` բոլորի համար, բոլորը` մեկի»»,- նշել է Խաչատուրովը։
Հավաքական անվտանգության խորհրդի որոշման համաձայն` ՀԱՊԿ գլխավոր քարտուղարի պաշտոնին Խաչատուրովը նշանակվել է 2017 թվականի ապրիլի 14-ին։ Ավելի վաղ Խաչատուրովն ազատվել էր Հայաստանի ազգային անվտանգության խորհրդի քարտուղարի պաշտոնից։
