ԵՐԵՎԱՆ, 1 մայիսի — Sputnik. Արդեն հայտնի են «Աէրոֆլոտ» ավիաընկերության Մոսկվա-Բանգկոկ չվերթի ինքնաթիռի միջադեպից տուժած 15 ռուսաստանցիների անունները։ Դրանք հրապարակել է Թաիլանդում Ռուսաստանի դեսպանատունը: Հրապարակված ցուցակում հայկական ազգանվամբ մեկ անձ կա՝ 1982 թվականին ծնված Տատյանա Ավեդիսյանը:
Ինչպես նշվում է դիվանագիտական առաքելության հաղորդագրությունում` բոլոր տուժածները տեղափոխվել են տեղի հիվանդանոց՝ տարբեր ծանրության վնասվածքներով: Որոշ ուղևորների վիրահատություն է պահանջվում:
Ինչպես արդեն տեղեկացրել էինք`ռուսական «Աէրոֆլոտ» ավիաընկերության օդանավերից մեկը Թաիլանդում հայտնվել է տուրբուլենտության գոտում, ինչի հետևանքով տուժել է 25 մարդ:
