ԵՐԵՎԱՆ, 29 ապրիլի — Sputnik․ Կուբայի Aerogaviota մարդատար ինքնաթիռը կործանվել է, հայտնում է ՌԻԱ Նովոստին՝ հղում անելով Ciber Cuba-ին։ Նախնական տվյալներով՝ հնարավոր է, 39 ուղևոր եղած լիներ օդանավում։ Վթարը տեղի է ունեցել կղզու արևմուտքում՝ Պինար-Դել-Ռիոյում։
«Կուբայում ավիաընկերության ներկայացուցիչները հաստատեցին ինքնաթիռի կործման մասին լուրը, ցավոք, նաև հաստատեցին, որ կան զոհեր»,- գրում է պորտալը։
Պատահարի զոհերի կոնկրետ թիվը դեռևս հայտնի չէ, Կուբայի իշխանություններն առայժմ պաշտոնական հայտարարություն չեն արել։
