ԵՐԵՎԱՆ, 29 ապրիլի Sputnik. Ապրիլի 29-ին աշխարհում նշվում է միանգամից երկու տոն՝ Պարի ու Աստղագիտության միջազգային օրերը։
Հատկանշական է, որ առաջին տոնը օրացուցային է, այսինքն, նշվում է ամեն տարի ապրիլի 29-ին, իսկ երկնային լուսատուների սիրահարների օրը միշտ նշվում է ապրիլի կեսից մայիսի կեսն ընկած չորրորդ լուսնային շաբաթ օրը։
Այս տարի Աստղագիտության օրը համընկել է Պարի միջազգային օրվա հետ։ Պարի օրը սահմանվել է ՅՈՒՆԵՍԿՕ-ն՝ 1982 թվականին։ Տոնի իմաստն է՝ միավորել պարի բոլոր ուղղությունները, առիթ տալ մեծարելու արվեստի այդ տեսակի ներկայացուցիչներին, ինչը տարբեր ազգերի մարդկանց թույլ է տալիս խոսել նույն լեզվով՝ պարի լեզվով։
Աստղագիտության միջազգային օրն առաջին անգամ նշվել է Ամերիկայի Միացյալ Նահանգներում՝ 1973 թվականին՝ «Աստղադիտությամբ տարված մարդկանց» կարգախոսով։ Ըստ տոնը սահմանողների մտահղացման՝ Աստղագիտության օրվա նշելը կօգնի այդ գիտությունը ժողովրդականացնել։
