ԵՐԵՎԱՆ, 28 ապրիլի — Sputnik. Ապրիլի 28-ին, ժամը 13:20-ին Վրաստանի ներքին գործերի նախարարության արտակարգ իրավիճակների դեպարտամենտը տեղեկացրել է, որ ժամը 06:32-ին Թբիլիսի-Ստեփանծմինդա ավտոճանապարհին` Միսակցիելի գյուղի մոտակայքում, տեղի է ունեցել ճանապարհատրանսպորտային պատահար, հայտնում է Հայաստանի ԱԻՆ-ը։
Lada Samara մակնիշի М724УО պետհամարանիշով ավտոմեքենան դուրս է եկել ճանապարհի երթևեկելի հատվածից և բախվել ծառին, ինչի հետևանքով 1980 թ. ծնված Զառա Մ.-ն (ՀՀ քաղաքացի) մահացել է, իսկ 1974 թ. ծնված Գագիկ Հ.-ն (ՀՀ քաղաքացի) հոսպիտալացվել է Մցխեթայի ԲԿ, որտեղ բժիշկները տուժածի առողջական վիճակը գնահատել են կայուն ծանր:
