ԵԽԽՎ-ն անվստահություն է հայտնել վեհաժողովի նախագահ Պեդրո Ագրամունտին՝ Պետդումայի ռուս պատգամավորների հետ Սիրիա կատարած այցելության պատճառով։
Վեհաժողովը բարկացել է հատկապես նրա համար, որ Ագրամունտը վեհաժողովի կամ նրա որևէ կառույցի կողմից լիազորված չի եղել նման այց կատարելու:
Նույն Ագրամունտին, սակայն, ոչ ոք չէր նախատում, երբ նա ակնհայտ ադրբեջանամետ գործունեություն էր ծավալում նույն վեհաժողովում։ Այդպիսի վիճակը, երբ ԵԽԽՎ-ն երկակի ստանդարտներ է կիրառում, շատ բնորոշ է եվրոպական կառույցներին, կարծում է քաղաքագետ Գագիկ Համբարյանը։
Նրա խոսքով՝ ԵԽԽՎ-ն, Եվրամիությունը, ԵԱՀԿ-ն պարբերաբար հանդես են գալիս ոչ թե ժողովրդավարության սկզբունքներից ելնելով, այլ՝ սեփական շահերի։
Այդպիսի պարագայում, քաղաքագետի խոսքով, Հայաստանը ոչ այնքան պետք է հիշեցնի անցյալը, որքան աշխատի օգուտ քաղել ստեղծված իրավիճակից. նպաստել Ագրամունտի հրաժարականին և ի շահ Հայաստանի նախագծեր ներկայացնել։
Զրույցը վարեց Դիանա Հարությունյանը։ Ամբողջական տարբերակը կարող եք ունկնդրել Sputnik Արմենիա ռադիոկայանի եթերում (FM106)։
