ԵՐԵՎԱՆ, 27 ապրիլի — Sputnik. Ռուս գեներալ-լեյտենանտ Վասիլի Գեյմանի ժառանգորդը՝ լրագրող ու ֆերմերային կոոպերատիվի հիմնադիր Բորիս Ակիմովը, Sputnik Թուրքիային հայտնել է, որ Արդահանում (Արևմտյան Հայաստան) բազմաբանակարան շենքի շինարարության ժամանակ հայտնաբերված դագաղում կարող է լինել Գեյմանը (1823-1878): Ակիմովը խոսել է իր զգացողությունների մասին:
IN PHOTOS: Hundreds flock to see skeleton of 'Russian general' in Turkey's Ardahan https://t.co/Nq3C9jnVRL pic.twitter.com/NZMcmYu46s
— Hürriyet Daily News (@HDNER) April 27, 2017
«Անչափ հուզվեցի, երբ լուրն իմացա: Երկար ժամանակ ուսումնասիրել եմ նախապապիս պատմությունը: Ինձ հայտնի էր, որ նա թաղվել է Գյումրիում, եղբայրական գերեզմանոցում: Բայց հանգուցյալների ցանկում նրա անունը նշված չէր: Այդ պատճառով էլ որոնումներս չէի դադարեցնում: Այսօրը լուրը կարդալուց ու լուսանկարը տեսնելուց հետո հասկացա, որ համընկնումները շատ են: Օրինակ՝ մահվան տարեթիվն ու վայրը: Լուսանկարում երևում է, որ նա գեներալ է: Գեներալ-լեյտենանտը 3 աստղ ունի»:
Ակիմովի խոսքով՝ զանգել է Անկարայում Ռուսաստանի դեսպանատուն, և նրան ասել են, որ պաշտոնական տվյալներ չունեն:
«Նրանք գրանցեցին իմ հեռախոսահամարը: Ես պատրաստ եմ ԴՆԹ թեստ հանձնել»,- ասել է Ակիմովը՝ նշելով, որ աճյունի հայտնաբերման մասին տեղեկացել է մամուլից:
«Ես կարդացի նորությունը, որում հղում էին անում Sputnik-ին: Անչափ շնորհակալ եմ: Ինձ ծանոթ պատմաբանները նույնպես ենթադրում են, որ դա կարող է նախապապիս դագաղը լինել: Իհարկե, որոշ պատմաբանների կարծիքով՝ այդ հարցը շատ խճճված է: Կարծիքները տարբեր են, բայց ես համարում եմ, որ դագաղը պատկանում է իմ նախապապին՝ Գեյմանին»,- ասել է նա:
