ԵՐԵՎԱՆ, 27 ապրիլի — Sputnik. «Նոր գտածոներ, նոր գաղափարներ. հայկական հնագիտության նվաճումները» խորագրով գիտաժողովը կկայանա մայիսի 14-ին Կալիֆոռնիայի համալսարանում։ Այս մասին հայտնում է Massispost կայքը։
Գիտաժողովի շրջանակում կներկայացվեն նաև նորագույն հնագիտական հայտնագործությունները։ Դրանք վկայում են այն մասին, որ պատմության տարբեր փուլերում հայկական քաղաքները որոշիչ դեր են կատարել առևտրական ճանապարհների և մշակութային կապերի զարգացման գործում։
Բացի այդ, Հայաստանի գիտությունների ազգային ակադեմիայի Հնագիտության և ազգագրության ինստիտուտի և Կալիֆոռնիայի համալսարանի հնագիտական ինստիտուտի միջև հուշագիր կստորագրվի։
