«Առաջին հերթին, շնորհակալ եմ ընդունելության համար։ Ինձ համար շատ հուզիչ է լինել հրաշալի Հայաստանում։ Ինչպես գիտեք, մենք ֆանտաստիկ հայ համայնք ունենք Հորդանանում։ Ձեր երկրի մասին միշտ հիանալի պատմություններ ենք լսել, այդ պատճառով շատ ուրախ եմ, որ, վերջապես, այստեղ եմ և սեփական աչքերով կարող եմ տեսնել ամեն ինչ»,- ասաց Մայրեդը։
Դինա Մայրեդը թագավոր Հուսեյնի անվան քաղցկեղի վերահսկման հիմնադրամի գլխավոր տնօրենն է։ Նա Հայաստան է ժամանել Երևանի պետական բժշկական համալսարանի հրավերով։ Երևանում ապրիլի 28-ին Մայրեդը կմասնակցի «Քաղցկեղը վերապրածների համագումարին»։
