Հորդանանի արքայադուստր Դինա Մայրեդն այսօր այցելեց ԵՊԲՀ «Մուրացան» հիվանդանոցային համալիրի քիմիաթերապիայի կլինիկա, «Իզմիրլյան» բժշկական և Ռ. Յոլյանի անվան արյունաբանական կենտրոններ։
Դինա Մայրեդը սրտառուչ հանդիպում ունեցավ քաղցկեղային հիվանդություններ ունեցող երեխաների հետ, անգամ արտասվեց։ Իսկ արյունաբանական կենտրոնում, հանդիպելով լեյկոզով հիվանդ երեխաների հետ, նրանց ծնողներին «սիրտ» տվեց ու հորդորեց սպասել 6 ամիս, որից հետո բուժման ընթացքն ավելի թեթև կանցնի։ Մայրեդն` ինքը, անցել է այդ ճանապարհը. նրա որդին 2 տարեկան էր, երբ փոքրիկի մոտ ախտորոշեցին լեյկոզ։ Երեխայի հետ նա պայքարեց հիվանդության դեմ ու հաղթեցին։
