ԵՐԵՎԱՆ, 26 ապրիլի — Sputnik. Երևանի քաղաքապետարանի մամուլի ծառայությունը հայտարարություն է տարածել` կոչ անելով միանալ #ՄաքուրԵրևան նախաձեռնությանը։
«Խնդրում ենք Երևանի քաղաքապետարանի և վարչական շրջանների սոցիալական ցանցերի էջերի միջոցով մեր համապատասխան կառույցներին փոխանցել այն հասցեները, որտեղ անհրաժեշտ է իրականացնել սանմաքրման աշխատանքներ»,- նշված է հաղորդագրության մեջ:
Միաժամանակ, քաղաքապետարանը կոչ է անում քաղաքային բոլոր ծառայություններին ևս յուրաքանչյուր շաբաթ օր միանալ այս նախաձեռնությանը և ընդհանուր օգտագործման տարածքներում, սեփական տարածքներում իրականացնել շաբաթօրյակներ:
