ԵՐԵՎԱՆ, 26 ապրիլի — Sputnik. Երևանի պետական բժշկական համալսարանի հրավերով Հայաստան կայցելի Հորդանանի արքայադուստր Դինա Մայրեդը։ Այդ մասին հայտնում է ԵՊԲՀ մամուլի ծառայությունը։
Թագավոր Հուսեյնի անվան Քաղցկեղի վերահսկման հիմնադրամի գլխավոր տնօրեն արքայադուստր Դինա Մայրեդը կժամանի` մասնակցելու ապրիլի 28-ին կայանալիք «Քաղցկեղը վերապրածների համագումարին»։
Միջոցառմանն արքայադուստրը հանդես կգա հատուկ ելույթով։ Համագումարը կազմակերպել են ԵՊԲՀ-ն ու Արյունաբանության և քաղցկեղի հայկական ասոցիացիան։
