ԵՐԵՎԱՆ, 25 ապրիլի — Sputnik. Ռուսաստանի արտաքին գործերի նախարար Սերգեյ Լավրովը հայտարարել է, որ արցախյան հակամարտության կարգավորման գործում գնահատում է ԵԱՀԿ-ի ջանքերը: Այդ մասին նա հայտնել է ԵԱՀԿ գլխավոր քարտուղար Լամբերտո Զաննիերի հետ համատեղ ասուլիսի ժամանակ։
Նա նշել է, որ Ռուսաստանը տեսնում է Լեռնային Ղարաբաղում և Մերձդնեստրում հակամարտությունների կարգավորմանն օգնելու ԵԱՀԿ-ի ձգտումը:
«Կարգավորման ճանապարհին կան բավական լուրջ խոչընդոտներ, բայց բոլոր արտաքին խաղացողները մտադիր են պայմաններ ստեղծել մասնակից կողմերի միջև փոխզիջումներ փնտրելու համար»,- ասել է Ռուսաստանի արտգործնախարարը։
Լավրովի խոսքով՝ ԵԱՀԿ-ի պատասխանատվության տակ գտնվող տարածաշրջանի անվտանգության ու վստահության ամրապնդումը, բաժանարար գծերի վերացումը մեծ կարևորություն են ներկայացնում։
