ԵՐԵՎԱՆ, 25 ապրիլի — Sputnik. Կառավարության պաշտպանական ծրագրի հիմքում մենք դրել ենք «ազգ֊-բանակ» գաղափարը և «հասանելի ռեսուրսներով առավելագույն արդյունք» ռազմավարական սկզբունքը: Այս մասին գրել է ՀՀ վարչապետ Կարեն Կարապետյանը Ֆեյսբուք սոցիալական ցանցի իր էջում։
Ըստ նրա` դա ենթադրում է, որ կառավարման բոլոր մարմինները, քաղաքացիական ու հասարակական ուժերը, ինչպես նաև անհատները պետք է հստակ պատկերացնեն, թե ինչ մասնակցություն կարող են ունենալ մեր երկրի պաշպանության գործում:
«Այս գաղափարի իրագործման նպատակը բանակ-հասարակություն անքակտելի կապի արմատավորումն է»,- գրել է Կարապետյանը։
Նշենք, որ մի քանի օր առաջ ՀՀ պաշտպանության նախարար Վիգեն Սարգսյանն ԱԺ-ում ելույթ էր ունեցել և նշել. ««Ազգ-բանակ գաղափարի իրագործման նպատակը բանակ-հասարակություն անքակտելի կապի արմատավորմամբ հայոց բանակը հասարակության դարբնոցի վերածելն է: Արդյունքում ոչ միայն հասարակությունը մարդկային և նյութական ռեսուրսներով իր ներդրումը կունենա հայրենիքի պաշտպանության գործին, այլ նաև բանակը փոխադարձ ներդրում կանի՝ դառնալով հասարակության ռազմահայրենասիրական դաստիարակության դարբնոց»։
