ԵՐԵՎԱՆ, 24 ապրիլի — Sputnik. Կոլումբիական «Ազգային ազատագրման բանակ» ապստամբ խմբավորման կողմից գերեվարված ՌԴ և ՀՀ քաղաքացի Արսեն Ոսկանյանն իրեն հսկող զինյալներից խլել է զենքը, վիրավորել 5 մարդու և փախել։
«Ազգային ազատագրման բանակ» ապստամբ խմբավորման տեղեկության համաձայն` Ոսկանյանին պատրաստվում էին ազատ արձակել։
««Ազգային ազատագրման բանակ»-ի կենտրոնական հրամանատարությունը ափսոսանք է հայտնում, որ չի կարողացել իրականացնել ազատագրման գործողությունը»,- հայտարարել են ապստամբներն իրենց կայքում։
Արսեն Ոսկանյանը գերի էր ընկել 2015թ նոյեմբերի 5-ին։ Կոլումբիայում նա որսում էր թունավոր գորտերին և վաճառում միջազգային շուկայում: