Նախագահի, վարչապետի և կառավարության անդամների, ինչպես նաև ՀՀ-ում հավատարմագրված դեսպանների մասնակցությամբ Ամենայն հայոց կաթողիկոս Գարեգին 2-րդը պատարագ մատուցեց անմեղ զոհերի հիշատակին։
Ծիծեռնակաբերդի հուշահամալիրում ԱԺ փոխխոսնակ Էդուարդ Շարմազանովը հայտնեց, որ Ռեջեփ Թայիփ Էրդողանի վարչակազմի օրոք մշուշոտ է դառնում ցեղասպանության ճանաչումը, բայց ի հակադրություն դրա` ավելանում է այն քաղաքների կամ պետությունների թիվը, որոնք ճանաչում են ցեղասպանությունն ու դատապարտում այդ ոճիրը։
Ցեղասպանության ճանաչման համար իր ուրույն մոտեցումն ունի նաև ռուսաստանցի գործարար, բարերար Ռուբեն Վարդանյանը։ Նրա խոսքով` մենք պետք է անընդմեջ աշխատենք, յուրաքանչյուրս հաջողություն գրանցենք մեր իսկ ոլորտներում և աշխարհին ապացուցենք, որ պիտանի ենք։
