ԵՐԵՎԱՆ, 23 ապրիլի — Sputnik. Ռուսաստանցի հայ մարմնամարզիկ Արթուր Դալալոյանը նվաճել է սպորտային մարմնամարզության հենացատկի ոսկի մեդալ Եվրոպայի առաջնությունում, հայտնում է Р-Спорт կայքը։
Իր ելույթի համար Դալալոյանը դատավորներից ստացել է 14,933 միավոր։ Երկրորդ տեղը զբաղեցրել է ռումինացի մարմնամարզիկ Մարիան Դրագուլեկսուն (14,733), երրորդը՝ ուկրաինացի Օլեգ Վերնյաևը (14,649)։
Ավելի շուտ Դալալոյանը առաջնության անձնական բազմամարտում արծաթ էր նվաճել։
Եվրոպայի առաջնությունը անցկացվում է ռումինական Կլուժ-Նապոկա քաղաքում։
