Շաբաթվա մարդիկ

Իվոն Ֆերնանդես

Երգչուհի Կուբայից: Կիսատ է թողել երաժշտական կրթությունը և մեկնել է Ղասախստան:

-Փոքր տարիքում նվագում էի, պարում էի, բայց միշտ երազել եմ ու կարելի է ասել, որ երազանքս իրականացել է, երգչուհի դառնալ:

Ապագայում, առաջին հերթին, ցանկանում է վերադառնալ Կուբա և ավարտին հասցնել ալբոմը, որը կիսատ է մնացել:

Գոռ Փելեշյան

Մասնագիտությամբ իրավաբան է: Շուրջ 4 տարի է՝ աշխատում է Լոռու Մարզի Գազամատակարարման և գազաֆիկացման մասնաճյուղում որպես համակարգչային օպերատոր:

-Փոքր ժամանակ միշտ մտածել եմ դերասան դառնալու մասին:

Ապագայում ցանկանում է զբաղվել մշակութային գործունեությամբ, ունենալ անձնական գրախանութ-սրճարանը:
«Ինչպես լոռեցիներս ենք ասում՝ ապագան թող լինի Դբա Լավը»,- վերջում կատակեց Գոռը

Սոսի Խանիկյան

Ավարտել է ԵՊՀ ռոմանագերմանական ֆակուլտետի անգլերեն լեզու-գրականություն բաժինը, ԵՊՀ ժուռնալիստիկայի ֆակուլտետի մագիստրատուրան, ապա վերապատրաստում է անցել Լոնդոնի Մերիդյան քոլեջում:
11 տարեկանից մեդիա ոլորտում է: Այժմ Հանրային հեռուստաընկերության արբանյակային բաժնի ավագ խմբագիրն է:

-Փոքր ժամանակ երազում էի դերասանուհի դառնալ:

Ու թեև երազանքը նույնն է մնացել, ապագայում ցանկանում է ավարտել թեկնածուականը ամերիկյան գրականությունից ու գրքեր գրել:

Նարեկ Վան

Մասնագիտությամբ աստվածաբան, իրավաբան է: Շուրջ 7 տարի , ինչ
զբաղվում է իրավաբանությամբ:

-Փոքր ժամանակ երազում էի հնագետ դառնալ:

Ապագայում ցանկանում է ավելի շատ ժամանակ տրամադրել նկարչությանը,
որն իր կյանքի անբաժանելի զբաղմունքներից մեկն է:

Ժասմին Հակոբյան

Հիմնական մասնագիտությամբ լեզվաբան քաղաքագետ է: Հետագայում փոխել է ուղղությունը ու ստացել է PR մասնագետի որակավորում: Ծավալել է ակտիվ հասարակական և քաղաքական գործունեություն՝ ներգարավվելով, մասնավորապես, հասարակական կազմակերպություններում:

Շուրջ 4 տարի է, ինչ աշխատում է հյուրանոցային ոլորտում։

-Մանուկ հասակում երազել եմ տիեզերագնաց դառնալու մասին:

Ապագայում ցանկանում է իր սեփական հյուրանոցն ունենալ:

Թոմ (Թորոս Սվաջյան)

1979թ.-ին ավրտել է Գրոզնիի Պոլիգրաֆիայի ինստիտուտը՝ ինժեներ պոլիգրաֆիստ մասնագիտությամբ: Շուրջ 23 տարի է՝ աշխատում է հյուրանոցում որպես դռնապան:

-Փոքր ժամանակ երազում էի բժիշկ-հոգեթերապևտ դառնալու մասին:

Ապագայում ցանկանում է իր սեփական գործը բացել սպասարկամ ոլորտում:

Անահիտ Խաչատրյան

Սովորել է ԵՊՀ պատմության ֆակուլտետի հայ արվեստի պատմության և տեսության ամբիոնում: Մասնագիտությամբ արվեստաբան է:

Արդեն 3 տարի է՝ աշխատում է «Մոսկվա» կինոթատրոնում որպես մենեջեր: Ժամանակ առ ժամանակ արվեստի պատմություն է դասավանդում Danielyan Art Studio-ում:

-Երբ փոքր էի՝ ուզում էի գեղասահորդուհի լինել: Սահել սովորեցի, բայց գեղարվեստական կողմը ապահովել չստացվեց))):

Ապագայում ցանկանում է քույրերի հետ Հայաստանում զարգացնել ներգնա տուրիզմը ու երազում է էջանշանների ամենամեծ հավաքածուն ունենալ...