ԵՐԵՎԱՆ, 21 ապրիլի — Sputnik. Ջանելիձեի անվան շտապօգնության գիտահետազոտական ինստիտուտում վաղ առավոտյան մահացել է Պետերբուրգի մետրոյում ապրիլի 3-ին իրականցված ահաբեկչությունից տուժած մի կին։ Այս մասին հայտնում է փոխմարզպետ Աննա Միտյանինան։
«Ժամը 06:05-ին մահացավ 1960 թվականին ծնված կինը, որը տուժել էր ապրիլի 3-ին տեղի ունեցած ահաբեկչությունից», — Twitter-ի իր էջում գրել է նա։ Չնայած բժիշկների ջանքերին, կնոջ կյանքը փրկել չի հաջողվել։
21.04.2017 в НИИ Джанелидзе в 06:05, находясь в крайне тяжёлом состоянии, скончалась женщина 1960 г.р., пострадавшая в теракте 03.04.2017
— Анна Митянина (@A_Mitjanina) 21 апреля 2017 г.
Ներկա պահին հիվանդանոցում շարունակում է մնալ 23 մարդ` միջին ծանրության 4, բավարար` 19, ամբուլատոր բուժում ստացող 58 հիվանդ։
Ապրիլի 3-ին, ժամը 15:35-ին Սանկտ Պետերբուրգ քաղաքում, «Տենխնոլոգիական ինստիտուտ» և «Սենայի հրապարակ» կայարանի մոտ պայթյուն է տեղի ունեցել։ Զոհվել էր 15, տուժել ավելի քան 50 մարդ: Ավելի ուշ հայտնաբերվել էր մեկ այլ ռումբ, որը վնասազերծվել էր։ Ներկա պահին ահաբեկչության գործով ձերբակալվել է մոտ 10 մարդ։ ԱԴԾ-ն պարզել է, թե ով է եղել ահաբեկչության պատվիրատուն։
