ԵՐԵՎԱՆ, 21 ապրիլի — Sputnik. Բուենոս Այրեսի քաղաքապետարանի որոշմամբ` ապրիլի 24-ը Հայոց ցեղասպանության զոհերի հիշատակի օր է հայտարարվել։ Այս մասին հայտնում է Prensa Armenia-ն։
Որոշման բանաձևը հրապարակվել է քաղաքապետարանի խորհրդի նիստում։
Օրվա կարգախոսն է «Հիշողություն, ճշմարտություն, արդարություն և հայրենադարձություն»:
Օրենսդիր մարմնի մարդու իրավունքների երաշխավորման և հակախտրականության հանձնաժողովի նախագահ Ժոզե Կամպանիոլիի և օրենսդիր Կարլոս Թոմադայի համահեղինակած բանաձևը վերաբերում է նաև ապրիլի 24-ին Արգենտինայում Թուրքիայի դեսպանի կեցավայրի դիմաց նախատեսված միջոցառմանը, որը կհաջորդի տեղի հայ համայնքի կազմակերպած երթին:
