ԵՐԵՎԱՆ, 21 ապրիլի — Sputnik. ՀՀ պաշտպանության նախարար Վիգեն Սարգսյանն այսօր` ապրիլի 21-ին, լրագրողների հետ հանդիպման ժամանակ նշեց, որ ինքն ամենաերջանիկ մարդկանցից մեկը կլինի, եթե հաջողության հասնի իր գործում։
«Ես ցանկանում եմ շարունակել իմ ծառայությունը պաշտպանության նախարարի պաշտոնում, ինչի մասին բազմաթիվ անգամներ ասել եմ, և հույս ունեմ, որ կունենամ այդ հնարավորությունը», — ասաց Սարգսյանը։
Նա հույս հայտնեց, որ Հայաստանի Հանրապետական կուսակցությունն իրեն կտա այդ հնարավորությունը: