Տոնավաճառների աշխատակիցները բողոքում են տեսուչներից

ԵՐԵՎԱՆ, 21 ապրիլի — Sputnik. «Առինջ մոլ», «Սուրմալու» և « Փեթակ» առևտրի կենտրոնների աշխատակիցները պահանջում էին իրենց ազատել հարկային ճնշումներից և թույլ տալ աշխատել նախկին ռեժիմով։ Ասում էին` իրենցից տվյալներ են պահանջում այն մասին, թե ինչ քանակությամբ ապրանք են բերում և վաճառում։

«Մեզնից այնպիսի փաստաթղթեր են ուզում, որոնք մենք չունենք, դրանք պետք է պահանջել մաքսատնից, ոչ թե ինձնից»,- Sputnik Արմենիայի թղթակցին ասաց «Սուրմալուում» աշխատող Աշոտը։

Նրա խոսքով` օրեր առաջ հարկային տեսուչները «ռեյդ» են կազմակերպել շուկաներում, փաստաթղթեր պահանջել և տուգանել աշխատակիցներին։

Կառավարության դիմաց բողոքի ցույց անցկացնող մարդկանցից 3-ին ընդունեց վարչապետ Կարեն Կարապետյանի՝ հարկային խնդիրները համակարգող օգնական Հայկ Զոհրաբյանը։