ԵՐԵՎԱՆ, 21 ապրիլի — Sputnik. «Միջազգային էներգետիկ կորպորացիա» ՓԲԸ-ն առաջիկայում ծրագրում է չդիտարկել Սևան-Հրազդան կասկադի վաճառքի հնարավորությունը` համարելով, որ այն ոչ պրոֆիլային ակտիվ է։ Այս մասին լրագրողներին է հայտնել ընկերության գլխավոր տնօրենի տեղակալ Ջորջ Ռիժինաշվիլին։ Այս մասին հայտնում է ՌԻԱ Նովոստին։
«Օրինակ` մենք ունենք Սևան-Հրազդան կասկադը, որի օտարումը պատրաստվում ենք դիտարկել առաջիկայում։ Այն ոչ պրոֆիլային բալանսային ակտիվ է, մենք ուզում ենք դուրս գալ դրանից»,- ասել է նա։
Ռիժինաշվիլին նշել է, որ այդ ակտիվի վերաբերյալ գնանշումը կլինի առաջիկա երկու ամսում։
«Ակնհայտ է, որ դրանով կհետաքրքրվեն այն ներդրողները, որոնք այսօր գործում են Հայաստանում»,- ավելացրել է նա։
Ռիժինաշվիլին նշել է նաև, որ ներքին գնահատական դեռ չի արվել, այս պահին ֆինանսական մոդելի վերլուծություն է կատարվում, սակայն օտարման որոշումը բավական կայուն է։
Սևան-Հրազդան կասկադն ունի Հրազդան գետի վրա տեղակայված 7 ճյուղավորված հիդրոէլեկտրակայան: Կայանների վրա տեղադրված է 561 ՄՎտ ընդհանուր հզորությամբ 21 հիդրոագրեգատ; կասկադի կայանների միջին տարեկան արտադրանքը 501 մլն կՎտ/ժ է, ինչը կազմում է 2009թ. ՀՀ էլեկտրաէներգիայի ընդհանուր արտադրության շուրջ 9%-ը:
