ԵՐԵՎԱՆ, 18 ապրիլի — Sputnik. Երկարատև պեղումների արդյունքում հնագետների մի խումբ Իրանի Համադան գավառի Սամեն քաղաքի տարածքում շուրջ 2000 տարվա պատմություն ունեցող ստորգետնյա քաղաք են հայտնաբերել, հայտնում է Sputnik-ը` հղում անելով Khabar online տեղեկատվական գործակալությանը։
Համադան գավառի մշակութային ժառանգության, արհեստների և զբոսաշրջության կազմակերպության բաժնի ղեկավար Ալի Խաքսարի (Ali Khaksar) խոսքով` հայտնաբերված քաղաքը գտնվում է ժամանակակից Սամեն քաղաքի տակ։ Այն Թեհրանից 400 կմ դեպի արևմուտք է և մոտ 2000 տարվա պատմություն ունի։
کشف شهر زیرزمینی پنهان در۴۰۰ کیلومتری غرب تهران در شهر سامن که در یک بستر سنگی ساخته شده pic.twitter.com/nAsREuEGVK
— M.S.N.SORT (@MIMIMMA1970) 10 апреля 2017 г.
Ստորգետնյա քաղաքը կազմված է միմյանց հետ կապված 25 շինություն ունեցող թունելներից, որոնք նախկինում որպես տներ էին ծառայում։ Ներկա պահին 9 տներից հաջողվել է դուրս բերել 60 մարդու աճյուն։
#ایرنا خبرزده کشف شهرزیرزمینی در #400 کیلومتری تهران!اولا400کیلومتر خودش چنتاشهر ه.بعد مشخص شده منظور شهر2200ساله #سامن ملایرکه سال84کشف شده pic.twitter.com/lkpc6fTycP
— زهرا کشوری (@zahrakeshvari) 11 апреля 2017 г.
Ենթադրաբար, այն կառուցվել է Աքեմենյան կայսրության (մ.թ.ա. 550-330 թ.թ.) անկման և Պարթևական կայսրության (մ.թ.ա. 247 — 224 թ.թ.) ծաղկման միջև ընկած ժամանակահատվածում։
Պեղումները Համադանում սկսվել են 2005 թվականին և շարունակվում են արդեն ավելի քան 10 տարի։
