ԵՐԵՎԱՆ, 18 ապրիլի — Sputnik. Ապրիլի 17-ին՝ ժամը 18:20-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում հակառակորդի արձակած կրակոցից վիրավորվել է ՊԲ զինծառայող, 1997թ. ծնված Թաթուլ Արամայիսի Հարությունյանը:
Վիրավորված զինծառայողն անմիջապես տեղափոխվել է զինվորական հոսպիտալ: Նրա վիճակը գնահատվում է ծանր, հայտնում է Արցախի պաշտպանության նախարարությունը:
Միջադեպի մանրամասները պարզելու համար կատարվում է քննություն:
