ԵՐԵՎԱՆ, 16 ապրիլի — Sputnik. Հայտնի հաղորդավարուհի Թինա Կանդելակին ֆեյսբուքյան իր էջում նոր գրառում է կատարել՝ «Մանչեսթեր Յունայթեդի» կիսապաշտպան Հենրիխ Մխիթարյանի լուսանկարով և Պարույր Սևակի բանաստեղծությամբ:
Կանդելակին լուսանկարի տակ հրապարակել է Սևակի «Մենք քիչ ենք, սակայն մեզ հայ են ասում» բանաստեղծությունը:
«Матч ТВ»-ի պրոդյուսերն ու ճաաչված հաղորդավարուհին օրեր առաջ Instagram-ի իր էջում դիմել էր Հենրիխ Մխիթարյանին:
«Գենրիխ ջան, ես քո ցավը տանեմ, ապրես բալա»,- գրել էր Կանդելակին։
Հենրիխի արձագանքը չէր ուշացել: «Շնորհակալություն աջակցության համար, սիրելի Թինա»,- պատասխանել էր Մխիթարյանը։
Կանդելակիի վերջին գրառմանը հիմնականում հայերն են արձագանքել:
Օգտատերից ոմանք գրել են՝ «շնորհակալություն քեզ, Թինա», «Թինա, դու դեմք ես», մի քանիսն էլ վերափոխել են հաղորդավարու ազգանունը և «Կանդելակիի» փոխարեն գրել «Կանդելյան»:
