ԵՐԵՎԱՆ, 16 ապրիլի — Sputnik. GRENKE Chess Classic մրցաշարի 8 մասնակիցներից մեկը հայ շախմատիստ Լևոն Արոնյանն է, որն արդեն մրցել է գերմանացի Գեորգ Մայերի հետ: Այս մասին հայտնում է Հայաստանի ազգային օլիմպիական կոմիտեի մամուլի ծառայությունը:
«Առաջին տուրում Լևոն Արոնյանը սպիտակներով ոչ-ոքի խաղաց Գեորգ Մայերի հետ»,- նշված է հաղորդագրության մեջ:
Մրցաշարին մասնակցում են Մագնուս Կարլսենը (Նորվեգիա, 2838), Ֆաբիանո Կարուանան (ԱՄՆ, 2817), Մաքսիմ Վաշյե-Լագրավը (Ֆրանսիա, 2803), Լևոն Արոնյանը (Հայաստան, 2774), Արկադի Նայդիչ (Ադրբեջան, 2702), Հոու Յիֆան (Չինաստան, 2649), Մատիաս Բլյուբաում (Գերմանիա, 2634), Գեորգ Մայերը (Գերմանիա, 2621):
GRENKE Chess Classic մրցաշարն անցկացվում է շրջանաձև մրցակարգով:
