Ռուսաստանի գեղեցկուհին գիտի հաղթելու գաղտնիքը

ԵՐԵՎԱՆ, 16 ապրիլի — Sputnik. Մոսկվայում անցկացվեց գեղեցկության ազգայյին մրցույթի եզրափակիչ փուլը: «Միսս Ռուսաստան 2017» տիտղոսի համար պայքարեց 50 գեղեցկուհի:

Արդյունքում թագը ստացավ 21-ամյա Պոլինա Պոպովան Սվերդլովսկի շրջանից: Ինտելեկտուալ մրցույթում ժյուրիի անդամները Պոլինային հարցրին՝ բացի գեղեցկությունից, ինչո՞վ պետք է օժտված լինի աղջիկը:

Պոլինան պատասխանեց. «Բարի սրտով և գեղեցիկ ժպիտով»: Եվ այդ պատասխանը գերեց ժյուրիի անդամներին:

Պոլինան մոդելային աշխատանքով զբաղվում է15 տարեկանից, օտար լեզուներ է ուսումնասիրում, սիրում է համեղ կերակուրներ պատրաստել, զբաղվում է դահուկավազքով և պատրաստվում է լրագրող դառնալ:

Մրցույթի հաղթողը կստանա 3 մլն ռուբլի, ադամանդներով զարդարված ոսկե մանյակ և ավտոմեքենա:

Русская версия