ԵՐԵՎԱՆ, 15 ապրիլի — Sputnik. Ապրիլի 15-ին և լույս 16-ի գիշերը արցախա-ադրբեջանական հակամարտ զորքերի շփման գծում հակառակորդը տարբեր տրամաչափի հրաձգային զինատեսակներից, հրադադարի պահպանման ռեժիմը խախտել է 25 անգամ: Այս մասի հայտնում է Արցախի պաշտպանության նախարարության մամուլի ծառայությունը:
«Հայ դիրքապահների ուղղությամբ արձակվել է ավելի քան 400 կրակոց»,- նշված է հաղորդագրության մեջ:
ՊԲ առաջապահ զորամասերը հավատարիմ են մնացել հրադադարի պահպանման ռեժիմին և շարունակել վստահորեն իրականացնել մարտական հերթապահություն:
