Ղեկավարելով ՀԱՊԿ-ն՝ Հայաստանը չի փոխի արտաքին քաղաքականությունը

Այն, որ ՀԱՊԿ-ն գլխավորում է Յուրի Խաչատուրովը, խոսում է Հայաստանի հանդեպ անդամ երկրների ունեցած վստահության մասին, սակայն դա չի փոխի մեր երկրի արտաքին քաղաքականությունը։

Այդպիսի տեսակետ է հայտնել արտաքին գործերի նախարարության մամուլի խոսնակ Տիգրան Բալայանը։

Նա նշել է, որ արտաքին քաղաքականության մեջ Հայաստանն ունի իր առաջնահերթությունները, որոնք ամրագրված են ՀՀ նախագահի նախընտրական ծրագրում և կառավարության որդեգրած ուղում։