ԵՐԵՎԱՆ, 14 ապրիլի — Sputnik. Բժշկի նշանակած դեղերը կարգավորվելու են էլեկտրոնային առողջապահության համակարգի միջոցով։ Այս մասին նշեց առողջապահության նախարար Լևոն Ալթունյանը։ Նա չբացառեց Sputnik Արմենիայի այն դիտարկումը, որ բժիշկները հաճախ պարտադրում են հիվանդին կոնկրետ դեղ գնել կոնկրետ դեղատնից։
«Ձեր նշած երևույթները կան։ Դրա դեմ պայքարին է ուղղված դեղերի շրջանառության մասին օրենքի այն պահանջը, որ դեղատոմսի մեջ բժիշկը պետք է նշի ոչ թե բրենդային անվանումը, այլ քիմիական ֆորմուլան, և դեղատանն այդ հիվանդին կտրամադրեն ցանկ, որի միջից նա կարող է ընտրել իր գրպանին համապատասխան դեղորայք»,- ասաց նախարարը։
Ըստ Լևոն Ալթունյանի` այս գործելաոճը կարող է կանխել հնարավոր ռիսկերի մինչև 90 տոկոսը։
