ԵՐԵՎԱՆ, 13 ապրիլի — Sputnik. Կառավարությունը հավանության արժանացրեց առողջապահության նախարար Լևոն Ալթունյանի ներկայացրած որոշման նախագիծը։ Ըստ այդմ, դիաբետով հիվանդները նոր դեղեր կստանան։
«Տիպ 1 դիաբետով հիվանդները լիզպրո ինսուլինի հետ ստանում են ազդեցության միջին տևողությամբ ինսուլին՝ խումուլին NPH: Առաջարկվում է այն փոխարինել գլարգինով, որն ավելի երկար ազդեցություն ունի և թույլ է տալիս կրճատել կողմնակի հիվանդությունները»,- ասաց նախարարը։
Տեղեկացնենք, որ նախորդ տարվա տվյալների համաձայն` Հայաստանում մինչև 18 տարեկան դիաբետիկների թիվը 8, իսկ 18-22 տարեկանների մոտ` 14 տոկոսով ավելացել է։
