ԵՐԵՎԱՆ, 12 ապրիլի — Sputnik. Հայտնի շոումեն Միխայիլ Գալուստյանն Instagram-ի իր էջում զվարճալի լուսանկար է հրապարակել` ինքնատիպ շնորհավորանք հղելով Տիեզերագնացության օրվա կապակցությամբ։
Լուսանկարում պատկերված է Գալուստյանը, որն իբր դուրս է եկել տիեզերք։ Հայտնի շոումենն իր հրապարակած լուսանկարին կից գրառում է կատարել։
«Մեր երկրի և ամբողջ աշխարհի պատմության մեջ այս կարևորագույն օրը տիեզերական տրամադրություն եմ մաղթում բոլորին»,- գրել է Գալուստյանը` հորդորելով հիշել, թե ժամանակին ինչ հրաշք են իրագործել խորհրդային գիտնականները։
Նշենք, որ 56 տարի առաջ այս օրը Յուրի Գագարինը «Վոստոկ» տիեզերանավով առաջին անգամ դուրս է եկել Երկրի ուղեծիր։
