ԵՐԵՎԱՆ, 12 ապրիլի — Sputnik. Հայաստանի հավաքականի և «Մանչեսթեր Յունայթեդի» կիսապշտպան Հենրիխ Մխիթարյանը Եվրոպայի լավագույն ֆուտբոլիստներից է, չորեքշաբթի լրագրողներին Երևանում ասաց ՈւԵՖԱ-ի նախագահ Ալեքսանդր Չեֆերինը:
«Ամենակարևորը՝ երեխաների, երիտասարդների հետ աշխատելն ու ֆուտբոլը զարգացնելն է: Դուք ունեք Եվրոպայի լավագույն ֆուտբոլիստներից մեկին, այնպես որ, դուք կարող եք լավ ֆուտբոլիստներ մեծացնել»,- ընդգծեց Չեֆերինը:
Նա զրուցել է ուժեղագույն ակումբների ղեկավարների հետ՝ նշելով, որ արտերկրում ֆուտբոլիստներին ընտրելու հարցում աշխարհագրական դիրքով չեն առաջնորդվում: Ֆուտբոլի զարգացմանը խանգարում են ազգային թույլ առաջնությունները, սակայն միլիոնավոր դոլարների հարց է, և այն լուծվում է:
Հայաստանի ֆուտբոլի ֆեդերացիայի ղեկավար Ռուբեն Հայրապետյանն, իր հերթին, նշեց, որ ազգային առաջնության ուժեղացումը ներքին հարց է, որը ՈՒԵՖԱ-ի իրավասության մեջ չէ:
Չեֆերինի այցը կապված է, առաջին հերթին, Հայաստանում պատանեկան ֆուտբոլի զարգացման հետ:
ՈՒԵՖԱ-ի նախագահը Հայաստան է ժամանալ մասնակցելու Վաղարշապատի ֆուտբոլային ակադեմիայի հիմնարկեքին:
Русская версия
