ԵՐԵՎԱՆ, 11 ապրիլի — Sputnik. Գերմանիայի (72%), Ֆրանսիայի (64%), Բրազիլիայի (60%), Մեծ Բրիտանիայի (55%) և Թուրքիայի (52%) բնակչության մեծամասնությունը կարծում են, որ Դոնալդ Թրամփին ԱՄՆ նախագահ ընտրելուց հետո երկիրն ավելի ապահով չի դառնա։ Նույն կարծիքի են նաև Իտալիայի բնակչության 49%-ը և ԱՄՆ բնակչության 45%-ը։ Հարցումն անցկացրել է Sputnik.Կարծիք նախագծի շրջանակներում TNS Global ընկերությունը՝ հատուկ Sputnik տեղեկատվական գործակալության և ռադիոյի համար։
Հարցումն անցկացրել է TNS Global հետազոտական ընկերությունը 2017 թվականի փետրվարի 16-ից 22-ն ընկած ժամանակահատվածում։ Հարցմանը մասնակցել է 7148 քաղաքացի Ֆրանսիայից (16-64 տարեկան 1 004 մարդ), Գերմանիայից (16-64 տարեկան 1 014 մարդ), Իտալիայից (16-54 տարեկան 1 050 մարդ), Մեծ Բրիտանիայից (16-64 տարեկան 1 037 մարդ), ԱՄՆ-ից (18-64 տարեկան 1 027 մարդ), Բրազիլիայից (16-54 տարեկան 1 010 մարդ) և Թուրքիայից (16-54 տարեկան 1 006 մարդ)։ Ընտրանքն իրականացվել է ըստ հարցվածների սեռի, տարիքի և բնակության վայրի։ Տվյալների անճշտության առավելագույն մակարդակը կազմում է +/- 3,1% ` 95% վստահության հավանականության դեպքում:
Հասարակական կարծիքի ուսումնասիրման միջազգային նախագիծը մեկնարկել է 2015 թվականի հունվարին։ Գործընկերն են Populus, Ifop և Forsa հայտնի հետազոտական ընկերությունները: Sputnik.Կարծիք նախագծի շրջանակում կանոնավոր կերպով հասարակական կարծիքի հարցումներ են անցկացվում Եվրոպայի և ԱՄՆ-ի երկրներում առավել արդի սոցիալական և քաղաքական թեմաների վերաբերյալ։
Sputnik-ը լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով: Sputnik.Կարծիք նախագծի շրջանակում պարբերաբար հարցումներ են անցկացվում Եվրոպայի և ԱՄՆ-ի երկրներում առավել արդիական սոցիալական և քաղաքական հարցերի վերաբերյալ։ Sputnik Արմենիան գործունեությունը սկսել է 2015 թվականին և Sputnik միջազգային նախագծի մի մասնիկն է կազմում։
