ԵՐԵՎԱՆ, 11 ապրիլի — Sputnik. Դորտմունդի «Բորուսիայի» ավտոբուսի մոտ պայթյուն է որոտացել: Այս մասին հայտնում է ՌԻԱ Նովոստին՝ հղում անելով Bild-ին: Պայթյունի պատճառով կոտրվել են ավտոբուսի ապակիները, ոստիկանությունը հայտնում է, որ միանգամից երեք պայթյուն է որոտացել:
Borussia Dortmund vs. Monaco has been postponed—it will be played tomorrow at 18.45 CET (17.45 UK time) pic.twitter.com/SihwbBATfV
— Bleacher Report UK (@br_uk) April 11, 2017
«Երբ մենք մոտեցանք ավտոբուսին և անցանք կայանված մեքենաների մոտով, պայթյուն որոտաց: Հիմա ամեն ինչ կարգին է: Ապակու կտորը վնասել է թիմի պաշտպան Մարկ Բարտրայի ձեռքը, նրան հիվանդանոց են տեղափոխել»,- «Բորուսիայի» պաշտպան Լուկաշ Պիշչեկի խոսքն է մեջբերում լեհական մամուլը:
So sieht es am "Tatort" aus. #BVBASM (Fotos: dpa) pic.twitter.com/RrTIbLFGwr
— Ruhr Nachrichten BVB (@RNBVB) April 11, 2017
«Ռումբը պայթել է ավտոբուսի մոտ: Ֆուտբոլիստները գտնվում են ապահով վայրում: Մարզադաշտում ոչ մի վտանգավոր իր չեն գտել: Խնդրում ենք պահպանել հանգստություն: Ներկա պահին մարզադաշտում են գտնվում ոստիկանները»,- նշում է «Բորուսիայի» մամուլի ծառայությունը:
Գերմանական ակումբը պաշտոնապես հայտարարել է, որ խաղը հետաձգվել է: «Բորուսիա» Դ.-«Մոնակո» մրցավեճը կկայանա վաղը՝ ապրիլի 12-ին, Երևանի ժամանակով 20:45-ին:
