ԵՐԵՎԱՆ, 10 ապրիլի — Sputnik. Վլադիմիր Սոլովյովը չի զղջում Արցախ կատարած այցի համար։ Նա օրեր առաջ առաջին անգամ այցելել է Բաքու, հանդիպում ունեցել երկրի նախագահ Իլհամ Ալիևի հետ, սակայն ղարաբաղյան հակամարտության կարգավորման հարցում ունեցած դիրքորոշումը չի փոխել։
Բլոգեր Գեորգի Կևորկովի այն հարցին` արդյոք չի պատրաստվում ներողություն խնդրել «Ադրբեջանի գրավյալ տարածքներ» այցելելու համար, Սոլովյովը պատասխանել է.
«Ինչի՞ համար պետք է ներողություն խնդրեմ: Չեմ պատրաստվում ներողություն խնդրել: Այցելել եմ շատ անգամներ և իմ դիրքորոշումը փոփոխել չեմ պատրաստվում: Այն լավ հայտնի է: Խնդիրը ռազմական լուծում չունի»:
Վլադիմիր Սոլովյովը Հայաստան էր այցելել այս տարվա մարտին և միացել մարտի 8-ի կապակցությամբ կազմակերպված ակցիային, որի շրջանակում վիրավոր զինծառայողները բացիկներ էին պատրաստել կանանց համար։
