ԵՐԵՎԱՆ, 10 ապրիլի- Sputnik. Տարիների փորձը ցույց է տալիս, որ Հայաստանի ազգային պոլիտեխնիկական համալսարանի ուսանողներն իրենց գիտելիքներով մրցունակ են և կարողանում են աշխատել ոչ միայն Հայաստանի, այլև աշխարհի լավագույն ընկերություններում։
ՈՒսանողների տեսական գիտելիքների՝ գործնականում կիրառումն ապահովելու և աշխատանքի որակը բարձրացնելու նպատակով բուհը ձեռք է բերել ցանցային սարքավորումներ և համակարգիչներ։
Դրանք կնպաստեն ուսանողների հմտությունների ձեռքբերմանը, ինչպես նաև կօգնեն համալրել հայաստանյան շուկան որակյալ աշխատողներով։
Գիտակից քաղաքացիներ դաստիարակելու համար Հայաստանի ազգային պոլիտեխնիկական համալսարանը նաև պայմանավորվածություներ ունի բարձրակարգ մասնագետների հետ՝ բուհի ուսանողներին դասախոսելու և արտադրական-ուսումնական պրակտիկա կազմակերպելու նպատակով։
