ԵՐԵՎԱՆ, 10 ապրիլի — Sputnik. Ապրիլի 10-ին երեկոյան 22:00-ից մինչև ապրիլի 11-ի լուսաբաց, ասֆալտապատման աշխատանքներով պայմանավորված, Մյասնիկյան պողոտայի սկզբնամասից դեպի Ավան և Նոր Նորք վարչական շրջաններ բարձրացող ճանապարհահատվածը փակ կլինի տրանսպորտային բոլոր միջոցների համար:
Այդ մասին հաղորդագրություն է տարածել Երևանի քաղաքապետարանը և առաջարկել է Ավան և Նոր Նորք վարչական շրջաններ հասնելու համար օգտվել շրջանցիկ ճանապարհներից:
Մյասնիկյան պողոտայի այդ հատվածն արդեն շուրջ մեկ շաբաթ է՝ պարբերաբար փակ է լինում ասֆալտապատման աշխատանքներ իրականացնելու պատճառով:
