ԵՐԵՎԱՆ, 10 ապրիլի — Sputnik. ԱԺ նիստերից ավելի քան 1 ամիս բացակայած պատգամավորները կպատժվեն, թե ոչ, կորոշի ԱԺ նախագահը: Sputnik Արմենիային հայտնեց ԱԺ աշխատակազմի ղեկավար Հրայր Թովմասյանը:
Նա չբացառեց, որ ԱԺ արդեն 3-րդ քառօրյա նիստերին բացակա պատգամավորները ԱԺ ղեկավարությանը համապատասխան տեղեկանքներ կներկայացնեն, ասենք՝ առողջական վիճակի մասին:
Բյուջետային աշխատավարձ ստացող ԱԺ-ի պատգամավորների գերակշիռ մեծամասնությունն իր բացակայություններով արդեն տապալել է 2 քառօրյա նիստերի աշխատանքներ և այսօր տապալեց արդեն երրորդ քառօրյայի առաջին աշխատանքային օրվա աշխատանքը:
