ԵՐԵՎԱՆ, 9 ապրիլի — Sputnik. Ուժեղ պայթյուն է տեղի ունեցել կիրակի առավոտյան եկեղեցում՝ ժամերգության ժամանակ, Եգիպտոսի Ղարբիա շրջանի Տանտա քաղաքում, հայտնում է Sputnik Arabic-ը։
Վերջին տվյալների համաձայն, մահացել է 25 մարդ, մոտ 70-ը վնասվածք է ստացել։ Եկեղեցին մարդաշատ էր, քանի որ այսօր ողջ աշխարհի քրիստոնյաները Ծաղկազարդի տոնն են նշում։
EGYPT: Bombing attack targeting Christians in Tanta. 21 killed, 47 wounded. 2nd blast reported near a police training area in the same town. pic.twitter.com/Uw5Rv6dxNO
— Behind The News (@Behind__News) 9 апреля 2017 г.
Ըստ նախնական տվյալների, մեծ հզորություն ունեցող պայթուցիկ սարքը տեղադրված է եղել եկեղեցու աղոթասենյակում։
Դեպքի վայր են ուղևորվել տասնակ շտապօգնության մեքենաներ։ Նախագահ Աբդել Ֆաթթահ ալ Սիսիի անձնական հրամանով վիրավորների ընդունման համար բացվել են Եգիպտոսի զինված ուժերի հոսպիտալների վերակենդանացման բաժինները։
Terrorism hits Egypt again, this time on Palm Sunday. Another obnoxious but failed attempt against all Egyptians #united_on_PalmSunday
— Egypt MFA Spokesman (@MfaEgypt) 9 апреля 2017 г.
Քննիչները վերցրել են տեսախցիկների տեսագրությունները, պայթյունի տարածքը շրջափակված է։ Ուժային կառույցների տվյալներով, այնտեղ կարող է ևս մեկ պայթուցիկ սարք լինել։
